بالی ووڈ کی معروف اداکارہ کرینہ کپور نے اپنی بہن و اداکارہ کرشمہ کپور کو منفرد انداز میں سالگرہ کی مبارکباد دی ہے۔

کرینہ کپور نے اپنے آفیشل انسٹاگرام اکاؤنٹ پر ایک معصوم بچی کی تصویر مداحوں کے ساتھ شیئر کی ہے۔

اس تصویر میں موجود بچی کوئی اور نہیں بلکہ اداکارہ کرشمہ کپور ہیں جو کہ آج 48 برس کی ہوگئی ہیں۔

کرینہ کپور نے اس تصویر کو شئیر کرتے ہوئے کیپشن میں لکھا کہ ہمارے خاندان کا فخر تمہاری یہ تصویر میری سب سے پسندیدہ ہے، آج سب بولو ہیپی برتھ ڈے ٹو لولو۔

شیئر کی گئی اس تصویر کو  کپور سسٹرز کے مداحوں کی جانب سے بےحد پسند کیا جا رہا ہے اور کئی بالی ووڈ شخصیات بھی کرشمہ کپور کو سالگرہ کی مبارکباد دے رہے ہیں۔

اس سے قبل اداکارہ کرینہ کپور نے فوٹوز اینڈ ویڈیوز شیئرنگ ایپ انسٹا گرام پر اپنے بیٹے جہانگیر کی ایک تصویر پوسٹ کی تھی جس میں ننھے نواب کو یوگا کرتے دیکھا گیا تھا۔

کرینہ کپور نے انسٹا گرام پر پوسٹ کی جانے والی تصویر کے کیپشن میں یوگا کی اہمیت پر بھی زور دیا تھا۔

کرینہ نے لکھا تھا کہ توازن زندگی اور یوگا بہت ضروری ہے، عالمی یوم یوگا مبارک ہو، میرے جے بابا۔

سفید شرٹ اور سبز شارٹس میں ملبوس جہانگیر علی خان تصویر میں اپنے دونوں ہاتھ رنگین میٹ، جس پر جانوروں کی تصویریں بنی ہوئی ہیں، یوگا کی پوزیشن میں رکھے ہوئے تھے۔

گزشتہ برس کرینہ کپور نے عالمی یوم یوگا کے موقع پر سیف علی خان اور بڑے بیٹے تیمور کی ایک ساتھ یوگا کرتے تصویر شیئر کی تھی۔