پاکستانی گلوکار ابرار الحق نے اپنا مشہور گانا نچ پنجابن چرانے پر برطانوی کمپنی کو قانونی نوٹس بھیج دیا۔

ابرار الحق نے سماجی رابطے کی ویب سائٹ ٹوئٹر پر اپنے ٹوئٹ میں بتایا کہ برطانیہ میں میرے وکلاء نے نچ پنجابن کے غلط اور بنا اجازت استعمال کے حوالے سے مووی باکس (کمپنی) کو قانونی نوٹس بھیجا ہے۔

My lawyers in United Kingdom have issued a Legal Notice to Movie Box with respect to the misappropriation of my song “Nach Punjaban”. More Updates will follow in the coming few days.@1Moviebox #NachPunjaban #StopStealingOurSongs

— Abrar Ul Haq (@AbrarUlHaqPK) June 25, 2022

ابرار الحق نے بتایا کہ وہ اپنے مداحوں اور سب کو کیس کے حوالے سے آگاہ کرتے رہیں گے، ساتھ میں انہوں نے ہمارے گانے چرانا بند کرو کا ہیش ٹیگ بھی استعمال کیا۔

اس سے قبل بالی ووڈ اداکار ورون دھون کی جانب سے ایک پیغام موصول ہوا تھا۔

غیر ملکی خبررساں ادارے کے مطابق اداکار ورون دھون نے اپنی فلم جُگ جُگ جیو میں ابرار الحق کا گانا شامل کرنے سے متعلق اپنا موقف پیش کیا تھا۔

اداکار ورون دھون نے بھی پاکستانی گلوکار ابرار الحق کا شکریہ ادا کیا تھا۔

اداکار ورن نے گلوکار ابرار کے گانے کی ٹوئٹر پر تعریف بھی کی تھی۔

I have not sold my song “ Nach Punjaban” to any Indian movie and reserve the rights to go to court to claim damages. Producers like @karanjohar should not use copy songs. This is my 6th song being copied which will not be allowed at all.@DharmaMovies @karanjohar

— Abrar Ul Haq (@AbrarUlHaqPK) May 22, 2022

ورون دھون نےایک انٹرویو میں کہا تھا کہ فلم کی میوزک کمپنی ٹی سیریز  ان کے  اوریجنل گانے کے حقوق خرید چکی تھی۔

اداکار ورون دھون نے کہا کہ میں ابرارالحق  کو یہی کہنا چاہوں گا کہ انہوں نے اورینجل گانا بہت بہترین گایا، جو ہمیں بہت اچھا لگا۔

اداکار نے واضح کیا کہ گلوکار ابرار کے گانے کے حقوق ہماری فلم کی کمپنی نے خرید لیے، جبکہ یہ گانا کافی اچھا چل رہا ہے، شکریہ ابرار۔

We have legally acquired the rights to adapt the song #NachPunjaban released on iTunes on 1st January, 2002 & available on Lollywood Classics' YouTube channel, owned by @1Moviebox, for #JugJuggJeeyo produced by @DharmaMovies. The song is available here: https://www.bolnews.com/urdu/entertainment/2022/06/522622/amp/ pic.twitter.com/t6u3p3RA6z

— T-Series (@TSeries) May 23, 2022

یاد رہے کہ گلوکار ابرار الحق کا گانا نچ پنجابن کو بالی ووڈ فلم میں کاپی کیا گیا تاہم گلوکار ابرار الحق نے فلم کے پروڈیوسر کرن جوہر اور ٹی سیریز  کے خلاف ہرجانے کا دعویٰ دائر کرنے کا اعلان کیا تھا۔

ابرارالحق کا اپنے پیغام میں کہنا تھا کہ میں نے کسی بھی بھارتی فلم کو اپنے گانے کے حقوق فروخت نہیں کیے۔

تاہم گلوکار کے جانب سے درج کروائی جانے والی شکایت پر کرن جوہر نے مقبول گانے نچ پنجابن کی چوری تسلیم کرتے ہوئے کریڈٹس میں ابرارالحق  کا نام شامل کردیا تھا۔

بعدازاں 23 مئی کو T-Series کا اپنے پیغام میں کہنا تھا کہ کمپنی نے ’نچ پنجابن‘  گانے کے حقوق یکم جنوری  2022 کو  قانونی طور پر حاصل کیے۔

واضح رہے کہ یہ گانا لالی ووڈ کلاسکس کے یوٹیوب چینل پر بھی دستیاب ہے جو پنجابی گانوں کو محفوظ کرنے والی کمپنی 1Moviebox کی ملکیت ہے۔