سوشل میڈیا پر وائرل ایک ویڈیو نے ڈیوک اور ڈچس آف سسیکس ہیری اور میگھن مرکل کے مداحوں کو تشویش میں مبتلا کردیا ہے۔

“میڈیا شاک! ہیری اور میگھن نے آخرکار طلاق کے کاغذات پر دستخط کر دیے” کے عنوان سے ایک وائرل ویڈیو نے ملکہ کی پلاٹینم جوبلی کے بعد شاہی مداحوں کو حیران کردیا۔

ویڈیو میں دعویٰ کیا گیا ہے کہ شہزادے ہیری نے محسوس کیا تھا کہ “میگھن کا ان پر سختی سے کنٹرول ہے”۔ جس کے بعد ڈیوک اور ڈچس آف سسیکس نے طلاق کے کاغذات پر دستخط کیے۔

اس پوسٹ میں ڈچس پر شدید تنقید کی گئی، بہت سے دعوؤں کو گمنام ذرائع سے منسوب کیا گیا اور انتباہ شامل کیا گیا کہ “ہیری اور میگھن کے طلاق کے کاغذات پر دستخط میڈیا میں صرف ایک افواہ ہے۔ شاہی جوڑے نے ابھی تک تصدیق نہیں کی ہے۔”

لیکن ان دعوؤں کو پلٹزر وِنر حقائق کی جانچ کرنے والی ویب سائٹ PolitiFact نے “بے بنیاد” قرار دیا ہے، جس میں کہا گیا ہے کہ “فیس بک پوسٹ میں ایک ویڈیو میں رسیلی تفصیلات پیش کرنے کا دعویٰ کیا گیا ہے، جیسے کہ ہیری انگلینڈ میں واپس آ گئے ہیں، جبکہ میگھن اپنے دو بچوں کے ساتھج امریکہ میں رہ رہی ہیں۔ لیکن اس بات کا کوئی قابل اعتماد ثبوت فراہم نہیں کیا گیا کہ س میں سے کوئی بھی بات حقیقت میں سچ ہے۔ شہزادہ ہیری اور میگھن، ڈچس آف سسیکس، کی طلاق کا دعویٰ بے بنیاد ہے۔”