پاکستان کے معروف سنگر اور اداکارہ سارہ خان کے شوہر فلک شبیر نے اپنی خوبصورت بیوی اور سالی کو جانور قرار دے دیا۔

گلوکار کی ایک ویڈیو سوشل میڈیا پر خوب وائرل ہو رہی ہے، جس میں فلک شبیر کی اہلیہ سارہ خان کی بہن اور اداکارہ نور ظفر خان کھانا کھا رہی ہیں۔

فلک شبیر نے ویڈیو میں ایک معروف ٹک ٹاک بیک گراؤنڈ آڈیو استعمال کی ہے، جس میں کہا گیا ہے کہ بے وجہ ان جانوروں کو بھی کچھ کھلا دیا کرو یہ کبھی مانگتے نہیں ہیں۔

یہ ویڈیو سوشل میڈیا پر تیزی سے وائرل ہو رہی ہے اور اسے اب تک تقریباً 50 ہزار سے زائد بار دیکھا جاچکا ہے۔

جہاں لوگ اس ویڈیو سے محظوظ ہو رہے ہیں، وہیں کچھ سوشل میڈیا صارفین نے فلک شبیر کی حرکت کو نامناسب قرار دیا ہے۔

ایک صارف نے لکھا کہ یہ  ہمیشہ ایسا کیوں سوچتے ہیں۔

ایک اور صارف نے لکھا کہ اس نے نور کو جانور بنادیا۔

جبکہ ایک صارف نے اپنے خیال کا اظہار کرتے ہوئے لکھا کہ نور کا شوہر آکر فلک شبیر سے بدلے لے گا۔

خیال رہے کہ سارہ خان گزشتہ برس جولائی 2020 میں شادی کے بندھن میں بندھی تھیں، انہوں نے اور گلوکار فلک شبیر نے 14 جولائی کو منگنی کا اعلان کیا تھا اور اگلے ہی دن دونوں کی شادی کی تقریبات کا آغاز ہوا تھا اور وہ جولائی کے مہینے ہی میں شادی کے بندھن میں بندھ گئے تھے۔

فلک اور سارہ کی ایک بیٹی عالیانہ فلک بھی ہے۔