بالی ووڈ کے سینئر اداکار شکتی کپور کے بیٹے سدھانت کپور کی منشیات کیس میں ضمانت پر رہائی کے بعد پہلی تصویر سوشل میڈیا پر وائرل ہوگئی ہے۔

منشیات کیس میں ضمانت ملنے کے بعد سدھانت کپور نے ممبئی اپنے گھر جاتے ہوئے ایک سیلفی شیئر کی۔

وائرل سیلفی میں سدھانت کپور کے ساتھ اُن کی دوست بھی موجود ہیں جبکہ دونوں نے کورونا سے بچاؤ کے لیے ماسک پہنا ہوا ہے۔

سدھانت کپور نے سیلفی کو شئیر کرتے ہوئے کیپشن میں دل اور ہاتھ جوڑنے والے ایموجی کا استعمال کیا ہے۔

واضح رہے کہ شردھا کپور کے بڑے بھائی سدھانت کپور کو بنگلور پولیس نے 12 جون کو شہر میں ہونے والی ایک پارٹی میں مبینہ طور پر منشیات کے استعمال کے الزام میں گرفتار کیا تھا۔

گزشتہ روز سدھانت کپور سمیت دیگر چار گرفتار ملزمان کو ضمانت پر رہا کردیا گیا تھا۔

ڈپٹی کمشنر بھیما شنکر گلڈ کے مطابق سدھانت کپور سمیت دیگر چار ملزمان کو پولیس کے سامنے مزید پیش ہونا پڑے گا۔

انہوں نے کہا کہ سدھانت کپور کی میڈیکل رپورٹ مثبت آنے پر انہیں گرفتار کیا تھا اور قانونی کارروائی کے مطابق انہیں جوڈیشل تحویل میں لیا جاسکتا ہے۔