بین الاقوامی شہرت یافتہ شخصیات اداکارہ سجل علی اور گلوکار شہزاد رائے کے مداحوں کے لیے بڑی خوشخبری ہے۔

سجل علی اور شہزاد رائے نے اپنے سوشل میڈیا اکاؤنٹ انسٹاگرام پر ایک ویڈیو شیئر کی ہے جس میں دونوں فنکار ویڈیو کال پر زندگی مستحکم ہونے کے باوجود کام کرنے سے متعلق بات کر رہے ہیں۔

شہزاد رائے اس دوران اداکارہ سے کہتے ہیں کہ تمھاری زندگی سیٹ ہے تمھیں کام کرنے کی کیا ضرورت ہے جس پر سجل کہتی ہیں کیا مطلب۔

گلوکار کی جانب سے ایک اور سوال کیا جاتا ہے کہ اچھا بتاؤ انسان کام کیوں کرتا ہے، پیسے کمانے کے لیے؟ جس پر اداکارہ کہتی ہیں کہ نہیں کام کرنے کی بہت سی وجوہات ہوتی ہیں جیسا کہ خود دیکھ لینا 4 جون کو۔

واضح رہے کہ سجل علی اور شہزاد رائے کو ایک ساتھ اسکرین پر دیکھنے کے لیے کروڑوں مداح بے صبری سے انتظار کر رہے ہیں۔

اس نئے پروجیکٹ تم ہو تو کا دونوں فنکاروں نے نیا ٹیزر جاری کر کے اور تجسس پیدا کر دیا ہے۔

واضح رہے کہ بقول سجل علی یہ پروجیکٹ 4 جون کو منظرِ عام پر آ جائے گا۔