رکن قومی اسمبلی ڈاکٹر عامر لیاقت حسین کے اچانک انتقال نے سب کو غمگین کردیا ہے۔

سوشل میڈیا پر عامر لیاقت کے وکیل جمشید کاظمی کی ایک ویڈیو وائرل ہوگئی ہے جس میں انہوں نے عامر لیاقت کے آخری دنوں کا حال بتا دیا۔

جمشید کاظمی کا کہنا تھا کہ اکثر وہ طوبیٰ کو یاد کر کے روتے تھے کیونکہ اس لڑکی نے ڈاکر صاحب کے ساتھ 2 سال گزارے یہی وجہ ہے کہ وہ اسے بہت یاد کرتے تھے۔

وکیل نے بتایا کہ عامر لیاقت کہتے تھے طوبیٰ کو مجھے چھوڑ کر نہیں جانا چاہئیے تھا، ہم میاں بیوی تھے تو میں انہیں دلاسہ دیتا تھا کہ ڈاکٹر صاحب ایسی کوئی بات نہیں وہ آ جائے گی لیکن پھر اس نے خلع کا کیس دائر کر دیا۔

انہوں نے کہا کہ طوبیٰ انور کا بیک گراؤنڈ بہت اچھا تھا وہ خود بھی بہت اچھی تھی اور اس نے عامر بھائی کا بہت خیال رکھا، اس کے علاوہ وہ اپنے بچوں سے بہت پیار کرتے تھے خاص کر اپنی بیٹی سے اور اکثر اس کا ذکر بھی کرتے تھے۔

واضح رہے کہ ڈاکٹر عامر لیاقت حسین 9 جون کو کراچی میں انتقال کر گئے تھے۔