بالی ووڈ کی سابقہ اداکارہ ٹوئنکل کھنہ نے شاہ رخ خان کے مشہور گانے کی دھن بجائی ہے جس کی ویڈیو سوشل میڈیا پر وائرل ہوگئی ہے۔

اداکارہ نے فوٹو اینڈ ویڈیو شیئرنگ ایپ انسٹاگرام پر اپنی ایک ویڈیو شیئر کی ہے جسے سوشل میڈیا پر مداحوں کی جانب سے بہت پسند کیا جارہا ہے۔

اُنہوں نے گِٹار بجانے کی پریکٹس کرنے کے لیے شاہ رخ خان کے ایک مشہور گانے جادو تیری نظر کا انتخاب کیا ہے۔

ٹوئنکل کھنہ نے ویڈیو شیئر کرتے ہوئے لکھا کہ زندگی میں کسی بھی عمر میں کوئی بھی نیا ہنر سیکھا جاسکتا ہے، میں نے فیصلہ کیا ہےکہ گِٹار بجانا سیکھوں۔

 اداکارہ نے یہ امید بھی ظاہر کی کہ وہ ایک دن ضرور اچھا گِٹار بجانا سیکھ جائیں گی۔

اداکارہ ٹوئنکل کی اس پوسٹ کو انسٹاگرام پر اب تک 1 لاکھ سے زائد لوگ دیکھ چکے ہیں جبکہ مداحوں کی جانب سے گِٹار سیکھنے کے فیصلے پر ان کی حوصلہ افزائی بھی کی جا رہی ہے۔