معروف پاکستانی اردو ناول نگار اور ڈرامہ نگار ہاشم ندیم نے ناول پر مبنی ڈرامہ سیریل پری زاد کا سیکوئل بنانے کا اعلان کردیا ہے۔

ہاشم ندیم کی جانب سے اپنی انسٹاگرام اسٹوری میں ایک پوسٹ شئیر کی گئی ہے جس میں ایک لڑکی کو دیکھا جاسکتا ہے ہے اور ساتھ میں دل کو چھو لینے والی شاعری بھی لکھی ہوئی ہے۔

ڈرامہ پری زاد آج بھی لاکھوں لوگوں کے دلوں پر راج کر رہا ہے، اور اس کے سیکوئل کا اعلان سن کو مداح پر جوش ہیں اور بے صبری سے انتظار کررہے ہیں۔

واضح رہے کہ پری زاد کو پاکستانی ڈرامہ انڈسٹری کے مقبول ترین ڈراموں میں شمار کیا جاتا ہے۔

 اس ڈرامے کے اختتام پر کچھ سوشل میڈیا صارفین اس کے اگلے سیزن کے متعلق دلچسپ تبصرے کرتے ہوئے نظر آئے تھے جو کہ اب ہونے جارہا ہے۔

ہاشم ندیم ایک افسانہ نگار، شاعر، فلم پروڈیوسر اور ہدایت کار بھی ہیں، انہوں نے پہلے نجی پروڈیوسر کے طور پر 27 ٹیلی فلمیں اور 11 ڈرامہ سیریل بھی پروڈیوس کیے ہیں۔

معروف پاکستانی ناول نگار ان تک چار مختلف ایوارڈز بھی اپنے نام کر چکے ہیں۔