مسٹر پرفیکشنسٹ کے نام سے مشہور بالی ووڈ کے سپر اسٹار عامر خان کی اپنے بیٹے آزاد کے ساتھ بارش میں فٹبال کھیلنے کی ویڈیو سوشل میڈیا پر وائرل ہوگئی ہے۔

عامر خان پروڈکشنز کے انسٹاگرام اکاؤنٹ سے ایک ویڈیو شئیر کی گئی جس میں عامر خان کو بیٹے کے ہمراہ تیز بارش میں فٹبال کھیلتے ہوئے دیکھا جاسکتا ہے۔

اس ویڈیو کو شئیر کرتے ہوئے کیپشن میں لکھا گیا کہ تیز بارش میں بھرپور مزے، عامر اور آزاد بارش میں فٹبال سیشن سے لطف اندوز ہورہے ہیں۔

وائرل ویڈیو کو اداکار عامر خان کے مداحوں کی جانب سے بہت پسند کیا جارہا ہے اور تبصروں کا سلسلہ بھی جاری ہے۔