پاکستان کے معروف اداکار عثمان مختار کی ہدایت کاری میں بننے والی پہلی فیچر فلم گلابو رانی کا ٹریلر جاری کر دیا گیا ہے۔

فلم گلابو رانی کا ٹریلر دیکھ کر شائقین کو بے صبری سے اس کا انتظار ہے۔

اداکار عثمان مختار پہلے ہی شارٹ فلموں کے ذریعے ہدایت کاری کی دنیا میں قدم رکھ چکے ہیں تاہم اب یہ ان کی پہلی مرکزی فیچر فلم ہے۔

واضح رہے کہ فلم گلابو رانی کی کہانی عثمان مختار کی اہلیہ زنیرہ انعام خان اور علی مدار نے لکھی کی ہے جس میں ہاسٹل میں آسیبوں کے سائے سمیت وہاں پیش آنے والے خوف زدہ واقعات کو بہترین انداز میں فلمایا گیا ہے۔

اس فلم کی کاسٹ نئے اداکاروں پر مشتمل ہے جس میں اسامہ جاوید حیدر، معراج حق، دانیال خاقان افضل، عمر عبداللہ خان اور نتاشا حمیرا اعجاز سمیت دیگر اداکار شامل ہیں۔

یہ فلم جولائی میں ملک بھر کے سنیما گھروں کی زینت بنے گی لیکن یہ واضح نہیں ہے کہ اسے آئندہ ماہ عید الاضحٰی پر ریلیز کیا جائے گا یا نہیں۔