بالی ووڈ ہدایتکار کرن جوہراب تک ہمسفر نہ ملنے پر افسردہ ہو گئے۔

حالیہ دیے گئے انٹرویو  میں کرن جوہر نے اپنی شادی کے حوالے سے بات کی ہے۔

کر جوہر نے کہا کہ اب تک انہیں کوئی شادی کے حوالے سے کوئی پارٹنر ہی نہیں مل رہا ہے۔

دوسری جا نب بالی ووڈ ہدایتکار کرن جوہر نے اپنی سالگرہ کی تقریب سے کورونا وائرس کے پھیلاؤ سے متعلق میڈیا پر گردش کرنے والی تمام خبروں کی تردید کردی ہے۔

کرن جوہر نے کہا کہ وہ اپنی سالگرہ کی تقریب سے متعلق میڈیا پر گردش کرنے والی خبروں کی وجہ سے ایسا محسوس کررہے ہیں کہ اُنہیں ٹارگٹ کیا جارہا ہے۔

شاہ رخ خان اور کترینہ کیف کا کرن جوہر کی سالگرہ کی تقریب میں شرکت کے بعد کورونا ٹیسٹ مثبت آیا تھا۔

اُنہوں نے کہا کہ ’میڈیا پر یہ خبریں گردش کر رہی ہیں کہ میری سالگرہ کی تقریب کورونا وائرس کے پھیلاؤ کی وجہ ہے‘۔

تاہم کرن جوہر نے کہا کہ ’ہم یہ نہیں جانتے کہ کس شخص کی وجہ سے اور کب وائرس کے پھیلاؤ کا آغاز ہوا  کیونکہ اس ہفتے فلم انڈسٹری میں بھی سارے ایونٹ ہوئے ہیں‘۔

اُنہوں نے کہا کہ’یہ کسی اور پارٹی کی وجہ سے بھی پھیل سکتا تھا، کئی شادیوں کی تقاریب ہوئی تھیں، تو صرف مجھ پر الزام کیوں؟

انہوں نے کہا کہ ہر چیز کی طرح یہ  معاملہ بھی مجھ سے ہی کیوں جوڑا گیا‘۔

کرن جوہر نے اپنی بات کی وضاحت دیتے ہوئے کہا کہ ’میرا مطلب یہ نہیں ہے، مجھے جان بوجھ کر ٹارگٹ کیا جارہا ہے لیکن بس مجھے ایسا محسوس ہورہا ہے کہ میں ٹارگٹ ہوں‘۔

واضح رہے کرن جوہر نےکہا کہ ’میرا کورونا وبا کے پھیلاؤ سے کوئی لینا دینا نہیں ہے، میں اس سارے معاملے سے دور رہنا چاہتا ہوں کیونکہ یہ میں نے نہیں کیا‘۔