بھارتی اداکار ارجن کپور کی آنے والی نئی فلم’ایک ولن ریٹرنز‘ کا ٹیزر جاری کر دیا گیا ہے جس پر ان کی گرل فرینڈ ملائکہ اروڑا کا دلچسپ ردعمل سامنے آیا ہے۔

اداکار ارجن کپور نے فلم کا ٹیزر اپنے انسٹاگرام اکاؤنٹ پر شیئر کیا جس کے کیپشن میں انہوں نے لکھا کہ ’ہیرو،ہیروئن کا زمانہ گیا اب یہ ولن کا وقت ہے‘۔

ایک اور پوسٹ میں انہوں نے لکھا کہ ’ہیرو یا ہیروئن کا تو پتا نہیں،لیکن ولن ضرور ہے اس کہانی میں۔

ڈیواملائکہ نے فلم کا پوسٹر اپنی انسٹاگرام اسٹوری پر شیئر کرتے ہوئے انتہائی حیرانگی کا اظہار کیا اور لکھا ’اف ‘۔

اس فلم میں جان ابراہم، دیشا پٹانی، ارجن کپور اور تارا ستاریا بھی  جلوہ گر ہوں گی۔

’ایک ولن ریٹرنز‘29 جولائی کو سینیما گھروں کی زینت بنے گی جس کا  مداح بے صبری سے انتظار کر رہے ہیں۔

اس فلم کو ایکتا کپور کی بالاجی موشن پکچرز اور بھوشن کمار کی ٹی سیریز  کے بینر تلے ریلیز کی جائے گی۔

اس سے قبل 2014 میں ریلیز کی گئی فلم’ایک ولن‘ کو مداحوں کی جانب سے خوب پسند کیا گیا تھا۔