پاکستان کے ابھرتے ہوئے اداکار نعمان سمیع نے ایک صارف کو کرارا جواب دے دیا۔

نعمان سمیع نے اپنے تصدیق شدہ اکاؤنٹ انسٹاگرام پر ایک ویڈیو شیئر کی جس میں انہوں نے ہلکے گلابی اور سفید رنگ کی ٹی شرٹ پہنی ہوئی تھی۔

اس ویڈیو پر ایک صارف نے کمنٹ کرتے ہوئے کہا کہ اس شرٹ میں آپ بالکل ڈیلیوری بوائے لگ رہے ہیں۔

جواب میں انہوں نے لکھا کہ میں پارٹ ٹائم بطور ویٹر، فرش اور ٹوائلٹ کی صفائی اور پارکنگ ایریا سے کچرا چننے کا کام بھی کرچکا ہوں۔

اداکار نے ناراضی کا اظہار کرتے ہوئے کہا کہ اگر میں اس شرٹ میں ڈیلیوری بوائے کی طرح لگ بھی رہا ہوں تو میرا نہیں خیال کہ اس میں کوئی بری بات ہے کیونکہ یہ ایک نوکری ہے اور جو لوگ یہ کام کرتے ہیں انہیں اپنے کام پر فخر ہونا چاہئیے، وہ محنت کرکے اپنے اہلخانہ کا پیٹ بھرتے ہیں۔

بعدازاں صارف نے اپنی بات کی وضاحت دی کہ میرا ارادہ مذاق اڑانے کا نہیں تھا، میں صرف آپ کو سراہ رہی تھی، اگر میں غلط تھی تو مجھے معاف کردیں۔