جیٹھا لال کے کردار سے مشہور ہونے والے بھارتی اداکار دلیپ جوشی پچھلے کئی سالوں سے مشہور بھارتی ڈرامہ سیریل تارک مہتا کا الٹا چشمہ کا حصہ ہیں۔

جیٹھالال کو 12 سال کی عمر میں اسکول میں اداکاری کرنے کا موقع ملا جس کے بعد انہوں نے بہت سے تھیٹر شوز میں کام کیا مگر شہرت نہیں ملی۔

دلیپ جوشی کالج کے زمانے میں مختلف پلے کے کردار نبھایا کرتے تھے جس کی وجہ سے پڑھائی میں ان کا دہان نہیں رہتا تھا اور وہ اسی اداکاری کی وجہ سے فیل بھی ہو گئے تھے۔

تاہم اداکار نے فلمی دنیا میں سلمان خان کی فلم  میں نے پیار کیا سے قدم رکھا جو کہ کامیاب فلم تھی مگر اس میں ان کا کردار ایک نوکر کا تھا۔

بعد ازاں انہوں نے کئی دیگر فلموں میں کام کیا لیکن قسمت نے ان کا زیادہ ساتھ نہیں دیا اور پھر 2008 میں ڈرامہ سیریل تارک مہتا کا الٹا چشمہ شروع ہوا۔

اداکار دلیپ جوشی نے اس ڈرامے سے بے حد شہرت حاصل کی آج لوگ انہیں جیٹھالال کے نام سے جانتے ہیں۔

یاد رہے کہ دلیپ جوشی 26 مئی 1968 میں ایک برہمن خاندان میں پیدا ہوئے اور ان کی شادی جے مالا نامی خاتون سے ہوئی، ان کے 2 بچے ہیں جن کے نام ریتوک جوشی اور نییاتی جوشی ہے۔