شہنشاہ غزل مہدی حسن کو مداحوں سے بچھڑے 10 برس بیت گئے۔

مہدی حسن 1927 کو بھارتی ریاست راجھستان کے علاقے لونا میں پیدا ہوئے، ان کا تعلق موسیقی کے گھرانے سے تھا جنہوں نے 16 پشتوں تک موسیقی کی دنیا پر راج کیا۔

انہوں نے 1956 میں ریڈیو پاکستان سے گائیکی کا آغاز کیا جبکہ 1962 میں پاکستانی فلم شکار کے لیے پہلی مرتبہ گیت ریکارڈ کروایا۔

شہنشاہ غزل نے مجموعی طور پر365 فلموں میں اپنی سحر انگیز آواز کا جادو جگایا جبکہ 25 ہزار سے زائد گیت اور غزلیں ریکارڈ کرواکر تاریخ رقم کی۔

مہدی حسن کے مداحوں کا کہنا ہے کہ وہ موسیقی کا پورا عہد تھے، ان کے راگ اور راگنی کو دنیا بھر میں شہرت ملی، اسی وجہ سے انہیں شہنشائے غزل کے خطاب سے نواز گیا۔

واضح رہے کہ آج ملک بھر میں مہدی حسن کی برسی عقیدت و احترام سے منائی جا رہی ہے۔