کوک اسٹوڈیو کے سیزن 14 کے گانے پسوڑی نے نہ صرف پاکستان بلکہ دنیا بھر میں اپنی مقبولیت کے جھنڈے گاڑے ہیں۔

بھارتی فنکارہ وینا (موسیقی کا آلہ) بجانے کی ماہر کوشل نامی لڑکی نے بھی اس گانے کو نیا ورژن دے دیا۔

اس لڑکی نے پسوڑی گانے کو وینا پر بجاتے ہوئے ویڈیو اپنے انسٹاگرام اکاؤنٹ پر شیئر کی ہے۔

اس ویڈیو کو سوشل میڈیا صارفین کی جانب سے بہت پسند کیا جارہا ہے جبکہ لاکھوں لائیکس بھی آچکے ہیں۔

واضح رہے کہ کوک اسٹوڈیو سیزن 14 کے گانے پسوڑی کو بہت بار بین الاقوامی گلوکاروں اور اداکاروں کی جانب سے مختلف انداز میں گایا گیا ہے۔

پسوڑی کو معروف گلوکار علی سیٹھی اور گلوکارہ شائے گِل نے گایا ہے، بول علی سیٹھی اور فضل عباس نے لکھے ہیں جبکہ کمپوزیشن زلفی نے دی ہے۔