بھارتی اداکارہ کترینہ کیف نے شادی کے بعد اپنی آنے والی فلم فون بھوت کا ٹیزر شیئر کردیا۔

بھارتی میڈیا رپورٹ کے مطابق کترینہ کیف  نے شادی کے بعد اپنی پہلی فلم فون بھوت کا ٹیزر آفیشل انسٹاگرام پر مداحوں کے ساتھ شیئر کر دیا ہے۔

شیئر کرتے ہوئے انہوں نے لکھا کہ ایک بھیانک کامیڈی آنے والی ہے، دیکھتے رہنا ،فون بھوت۔

اس فلم میں کترینہ کے ساتھ پہلی مرتبہ  نئے اداکار ایشان کھتر اور سدھانت  چترویدی مرکزی کردار نبھاتے نظر آئیں گے۔

گرمیت سنگھ کی ہدایتکاری میں بننے والی اس فلم کی ریلیز کا اعلان کل کیا جائے گا۔

یاد رہے کہ کترینہ کیف 14 برس کی تھی جب انہوں نے ماڈلنگ شروع کی جبکہ 2003ء میں اس نے اپنی پہلی فلم بوم میں کام کیا ہے۔

کترینہ کیف ایک برطانوی ہندستانی اداکارہ اور ماڈل ہیں جو ہندی زبان کی فلموں میں کام کرتی ہیں اور ان  کا شمار ہندوستان کی خوبصورت ترین خواتین میں کیا جاتا ہے۔

واضح رہے کہ حال ہی میں بالی ووڈ کی معوف اداکارہ کترینہ نے اداکار وکی سے شادی کی ہے۔