مقبول ترین سوشل میڈیا اسٹار ڈولی کی ایک ویڈیو سوشل میڈیا پر وائرل ہو رہی ہے، جس میں انہیں دورانِ رقص گرتے ہوئے دیکھا جاسکتا ہے۔

مذکورہ ویڈیو مشہور ٹک ٹاکر نوشین سید المعروف ڈولی کے ایک تصدیق شدہ اکاؤنٹ انسٹاگرام اکاؤنٹ پر شئی کی گئی ہے۔

خیال رہے کہ ڈولی کے سوشل میڈیا پلیٹ فارم پر 11 ملین سے زیادہ فالوورز ہیں۔

یہی وجہ ہے کہ ان کے گرنے کی ویڈیو جنگل میں لگی آگ کی طرح پھیل رہی ہے۔

جنگل کی آگ کا ذکر آئے اور ڈولی یاد نہ آئیں ایسا ممکن نہیں، کیونکہ وہ پہلے ہی جنگل میں آگ لگانے والی اپنی وائرل ویڈیو کے باعث آن لائن ہنگامہ برپا کرچکی ہیں۔

مذکورہ ویڈیو پر شدید ردعمل سے پریشان ڈولی اپنی ساکھ کو برقرار رکھنے کے لیے کوششوں کو جاری رکھے ہوئے ہیں۔

گرنے والی ویڈیو میں ڈولی اور شازیہ منظور کو رقص کرتے دیکھا جاسکتا ہے۔ بظاہر ایسا لگتا ہے کہ انہوں نے علیزے شاہ کے ریمپ فال کی نقل کی ہے۔

ویڈیو میں دکھایا گیا ہے کہ ڈولی گھومتے ہوئے گرتی ہیں اور شازیہ پہلے کی طرح انہیں بچانے کی کوشش کرتی ہیں۔

قبل ازیں ٹک ٹاکر نوشین سید پر جنگلی حیات اور ماحولیات کے تحفظ کے قوانین کے تحت کیپٹل ڈیولپمنٹ اتھارٹی (سی ڈی اے) کی شکایت پر فرد جرم عائد کی گئی تھی۔

اسلام آباد ہائی کورٹ نے ایک لاکھ روپے کے ضمانتی مچلکوں کے عوضجنگل میں آگ لگانے کے مقدمے میں ڈولی کی عبوری ضمانت میں 8 جون تک توسیع کر دی تھی۔