اسرا بلگیچ عرف حلیمہ سلطان کی نئی تصاویر دیکھ کر پاکستانیوں کو سمجھ نہیں آرہا کہ ان پر تنقید کی جائے یا سراہا جائے۔

کیونکہ ایک طرف تو اسرا حلیمہ سلطان کے روپ میں پاکستانیوں کے لیے انتہائی قابلِ احترام بن چکی ہیں تو دوسری جانب یہ بھی حقیقت ہے کہ وہ ایک اداکارہ ہیں اور شوبز انڈسٹری سے تعلق رکھتی ہیں، جہاں کا رہن سہن، رواج اور لباس ان کے آن اسکرین لُک سے بہت ماڈرن ہے۔

اسرا بلگیچ نے اپنے سوشل میڈیا پر کچھ تصاویر شئیر کی ہیں جنہیں دیکھ کر پاکستانی عوام سیخ پا ہو گئے ہیں، اور یہ کوئی تعجب کی بات نہیں، کیونکہ تصاویر میں اسرا نے انتہائی بولڈ لباس زیب تن کیا ہوا ہے۔

28 سالہ نوجوان اداکارہ بے شک ان تصاویر میں انتہائی خوبصورت نظر آرہی ہیں، اور ان کی انسٹاگرام فیڈ ایسی ہی بے شمار تصاویر سے  بھری پڑی ہے۔

خوش شکل اور دلکش شخصیت کی مالک اسٹار اپنے وارڈ روب کے لیے شاندار ملبوسات کا انتخاب کرتی ہیں جو اکثر ان کے مداحوں کو پسند آتے ہیںِ لیکن پاکستانیوں کی بات الگ ہے۔

فیشن کے انتخاب کی بات آتی ہے تو اسرا کا کوئی جواب  نہیں، ان کی تازہ ترین یک رنگی کلکس ٹاک آف دی ٹاؤن بنی ہوئی ہیں۔

خوبصورتی کی سفید و سیاہ تہوں میں الجھتی رامو اسٹار اپنی بارانی بادلوں جیسی بھیگی، لہراتی زلفوں کے ساتھ مداحوں کے دلوں کو بھگو رہی ہیں۔

کیمرہ کے لیے پوز دیتے ہوئے، انہوں نے کافی لوگوں کو اپنی طرف متوجہ کیا۔ ان کی یہ پوسٹ جہاں ان کے فالوورز کو خوب پسند آئی، وہیں کچھ لوگوں کی جانب سے ان پر تنقید بھی کی گئی۔

ورک فرنٹ کی بات کریں تو اسرا فی الحال ڈرامہ سیریل Kanunsuz Topraklar میں نظر آرہی ہیں، جس میں ساتھی اداکار اوگور گوئنیز بھی شامل ہیں۔ ڈرامہ کا پریمیئر 29 ستمبر 2021 کو ہوا۔