بالی ووڈ اداکارہ دیپیکا پڈوکون کی طبیعت ناسازہو گئی۔

غیر ملکی خبررساں ادارے کے مطابق اداکارہ دیپیکا پڈوکون کو طبیعت خراب ہونے پر اسپتال منتقل کر دیا گیا ہے۔

اداکارہ ان دنوں اپنی فلم کی شوٹنگ کے لیے بھارتی شہر حیدرآباد میں موجود ہیں۔

معروف اداکارہ دیپیکا پڈوکون اپنی نئی فلم ’K‘ کے سیٹ پر تھیں جب انہوں نے گھبراہٹ کی شکایت کی۔

انہیں فوری طور پر اسپتال لے جایا گیا جہاں ڈاکٹرز نے ان کا معائنہ کر کے ’’سب ٹھیک ہے‘‘ کی رپورٹ دی، جس کے بعد وہ دوبارہ سیٹ پر چلی گئیں۔

یادرہے کہ دیپیکا حیدرآباد میں ساؤتھ انڈین اداکار پرابھاس کے ساتھ فلم کی عکسبندی میں مصروف ہیں۔

واضح رہے کہ اداکارہ دپیکا کی یہ پرابھاس کے ساتھ پہلی فلم ہوگی۔

تاہم اس فلم میں امیتابھ بچن اور دیشا پٹانی بھی شامل ہیں۔