بالی ووڈ کے معروف اداکار بوبی دیول نے اپنے والد دھرمیندر کی صحت سے متعلق خبروں کی تردید کردی۔

کچھ روز قبل اداکار دھرمیندر سے متعلق یہ خبر سامنے آئی تھی کہ اداکار کو تشویشناک حالت میں اسپتال میں داخل کروایا گیا تھا۔

بوبی دیول نے اس بات کی وضاحت کرتے ہوئے کہا کہ ان کے والد مکمل تندرست ہیں اور گھر پر ہیں۔

اداکار نے والد کے چاہنے والوں کی جانب سے ان کے لیے نیک خواہشات اور دعاؤں پر اظہار تشکر بھی کیا۔

یاد رہے کہ دھرمیندر کو گزشتہ ماہ (مئی) کے اوائل میں پٹھوں کے اکڑنے پر چند روز کے لیے اسپتال میں داخل کروایا گیا تھا تاہم اطلاعات میں دعویٰ کیا گیا ہے کہ سینئر اداکار کو حال ہی میں دوبارہ اسپتال میں داخل کروایا گیا ہے۔