بالی ووڈ کی مشہور جوڑی اداکارہ عالیہ بھٹ اور رنبیر کپور کے ہاں ننھے مہمان کی آمد کی خبر سے ان کے گھر میں خوشیوں کا سماں ہے۔

غیر ملکی خبررساں ادارے کے مطابق ہالی ووڈ کی اداکارہ گیل گیڈوٹ نے بالی ووڈ کی اداکارہ عالیہ بھٹ کے ہاں ننھے مہمان کی آمد کی خبر پر کامٹ کر دیا۔

 گزشتہ روز اداکارہ عالیہ بھٹ کی جانب سے انسٹاگرام پر مداحوں کو اس خوشخبری کی خبر سنائی جس کے کمنٹ میں ہالی ووڈ اداکارہ گیل گیڈوٹ نے ہارٹ ایموجیز بنائے۔

انہوں نے انسٹاگرام پر ایک تصویر شیئر کی تھی جس میں شوہر و اداکار رنبیر کپور کو بھی دیکھا گیا تھا۔

وائرل تصویر میں عالیہ بھٹ اسپتال میں موجود تھیں اور اپنا الٹراساؤنڈ کروا رہی تھیں۔

عالیہ بھٹ نے تصویر کے کیپشن میں لکھا تھا کہ اُن کے ہاں جلد بچے کی پیدائش متوقع ہے۔

اس پوسٹ کے وائرل ہوتے ہی اہلخانہ اور مداحوں کی جانب سے خوشی کا اظہار کیا جارہا ہے۔

اداکارہ عالیہ بھٹ کی والدہ سونی رازدان نے سوشل میڈیا سائٹ انسٹاگرام پر خوشی کا اظہار کرتے ہوئے جلد والدین بننے والے اس جوڑے کی ان دیکھی تصویر شئیر کی۔

انہوں نے کیپشن میں لکھا تھا کہ شکر گزار ہوں، دونوں کا خاندان مزید بڑھے۔

اس سے قبل اداکارہ نے اپنی انسٹاگرام اسٹوری پر بھی عالیہ بھٹ کی پوسٹ شئیر کرتے ہوئے خدا کا شکریہ ادا کیا اور کہا کہ اس نے ضرورت سے زیادہ نوازا ہے۔

دوسری جانب اداکارہ عالیہ بھٹ کی بہن شاہین بھٹ نے بھی ایک تصویر شئیر کی ہے اور ساتھ میں کیپشن میں ان کے لیے ماں اور باپ کے الفاظ استعمال کرتے ہوئے انہیں مبارک باد دی۔

جس پر ردیھما کپور نے انہیں ہیلو ماسی (خالہ) کہہ کر مبارک باد پیش کی۔

واضح  رہے کہ رواں سال اپریل میں رنبیر اور عالیہ بھٹ ممبئی کے علاقے باندرہ میں واقع رہائش گاہ واستوو میں شادی کے بندھن میں بندھے تھے۔

شادی کی اس چھوٹی سی اور محدود تقریب میں صرف دونوں جانب سے لگ بھگ 30 سے 35 قریبی رشتہ داروں اور دوستوں نے شرکت کی تھی۔