آنجہانی پنجابی گلوکار شبھ دیپ سنگھ سدھو عرف سدھو موسے والا کی موت کے تقریباً ایک ماہ بعد اُن کا آخری گانا ریلیز کردیا گیا۔

سدھو موسے کا نیا گانا ریلیز ہوا ہے جس کا عنوان ایس وائی ایل ہے

اس گانے کو سدھو موسے والا نے گایا، لکھا اور کمپوز کیا تھا، گزشتہ روز گانا ریلیز ہوتے ہی مداح جذباتی ہوگئے اور تبصروں کا سلسلہ بھی جاری ہے، صارفین کا کہنا ہے کہ لیجنڈز کبھی مرتے نہیں ہیں۔

یاد رہے کہ پنجابی گلوکار کو 29 مئی کو پنجاب کے ضلع مانسا میں حملہ آوروں نے قتل کر دیا تھا۔

پولیس سدھو موسے والا کے قتل کی تحقیقات کر رہی ہے اور بتایا جاتا ہے کہ گینگسٹر لارنس بشنوئی اس معاملے میں ملوث ہے۔

میڈیا رپورٹس کے مطابق دہلی پولیس نے دعویٰ کیا تھا کہ بشنوئی کینیڈا میں مقیم گینگسٹر گولڈی برار سے رابطے میں ہے جس نے فیس بک پوسٹ میں سدھو موسے والا کے قتل کی ذمہ داری قبول کی تھی۔