بالی ووڈ کے نامور اداکار اور رنبیر کپور کے مرحوم  والد رشی کپور کی اپنے پوتے پوتیوں کیساتھ کھیلنے کی خواہش ان کی زندگی میں پوری نہ ہوسکی۔

بالی ووڈ کی صف اول کی اداکارہ عالیہ بھٹ نے گزشتہ روز اپنی انسٹاگرام پوسٹ کے ذریعے اعلان کیا کہ اُن کے ہاں بہت جلد ننھے مہمان کی آمد متوقع ہے۔

اداکارہ کے اس اعلان کے ساتھ ہی  ان کے پرستاروں میں خوشی کی لہر دوڑ گئی وہیں ان کے والد ، والدہ  اور ساس نیتو سنگھ کی بھی خوشی دیدنی ہے۔

اب اس خوشی کے مو قع پر مرحوم رشی کپور کے مداح ان کے اس انٹرویو کا تذکرہ کررہے ہیں جس میں انہوں ںے اپنے بیٹے رنبیر کپور کی شادی اور پھر پوتے پوتیوں کے ساتھ کھیلنے کی خواہش ظاہر کی تھی، جوکہ ان کی زندگی میں پوری نہ ہو سکی۔

واضح رہےکہ رشی کپور کا انتقال 2020 میں ہوا تھا اور انہوں نے 2018 میں دیے گئے ایک انٹرویو میں کہا تھا کہ چاہتا ہوں میرا بیٹا رنبیر جلد شادی کرلے، تاکہ میں اپنے پوتے پوتیوں کے ساتھ وقت گزارو اور ان کے ساتھ خوب کھیلوں ۔