معروف اداکارہ راکل پریت کی پاکستانی کوک اسٹوڈیو سیزن 14 کے گانے پسوڑی پر ڈانس کی ویڈیو وائرل ہو گئی ہے۔

راکل پریت نے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی ہے جسے مداحوں کی جانب سے بہت پسند کیا جارہا ہے۔

اس ویڈیو میں اداکارہ کو کالے کلر کے خوبصورت لباس میں پسوڑی پر ڈانس کرتے ہوئے دیکھا جاسکتا ہے جسے مداحوں کی جانب سے بہت پسند کیا جارہا ہے۔

سوشل میڈیا صارفین کی جانب سے اس ویڈیو پر تبصرے کیے جارہے ہیں ایک صارف نے لکھا کہ اوہ، یہ بہت خوبصورت ہے جبکہ ایک اور نے لکھا کارکردگی شاندار ہے۔

اس سے قبل نورا فتیحی نے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی تھی جس میں انہوں نے سفید رنگ کی خوبصورت ساڑھی زیب تن کی ہوئی تھی۔

اس ویڈیو کے بیک گراونڈ میں پاکستان کا مشہور گانا  پسوڑی سنا گیا تھا جبکہ نورا فتیحی وینیٹی وین سے باہر آتے ہوئے پوز دے رہی تھیں۔

انہوں نے گانے پسوڑی کے بول بھی کیپشن میں لکھے تھے۔

اداکارہ و رقاصہ نورا فتیحی کی اس ویڈیو کو ان کے مداحوں کی جانب سے بہت پسند کیا گیا تھا۔

واضح رہے کہ پاکستانی کوک اسٹوڈیو سیزن 14 کے معروف گانے پسوڑی کو نوجوان سنگر علی سیٹھی اور شائے گل نے گایا ہے۔