بھارت کے معروف گلوکار شان نے گلوکار کرشنا کمار کنناتھ عرف کے کے کو خراجِ عقیدت پیش کیا ہے۔

گلوکار شان نے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی ہے۔

اس ویڈیو میں گلوکار کو ایک تقریب کے دوران پرفارمنس دیتے ہوئے اپنے ساتھی گلوکار کےکے کا ایک مشہور گانا پل گنگنا کر اُنہیں خصوصی خراجِ عقیدت پیش کرتے ہوئے دیکھا جاسکتا ہے۔

واضح رہے کہ بھارتی گلوکار شان اور کے کے نے کئی ہٹ گانوں کے لیے ایک دوسرے کے ساتھ تعاون کیا۔

ان دونوں ساتھی گلوکاروں کو آخری بار کامیڈین کپل شرما کے شو میں ایک ساتھ دیکھا گیا تھا۔

گلوکار کے کے 31 مئی کو کولکتہ میں ایک کنسرٹ میں پرفارمنس کے دوران دل کا دورہ پڑنے سے انتقال کرگئے۔