بھارت کے معروف گلوکار سدھو موسے والا کی آخری رسومات کے دوران والدین کی بے تحاشہ رونے کی ویڈیو وائرل ہوگئی۔

غیر ملکی خبر رساں ادارے کے مطابق آنجہانی گلوکار سدھو موسے والا کی بھارتی پنجاب ضلع منسا کے گاؤں میں آخری رسومات ادا کی گئیں۔

یاد رہے کہ بھارت سمیت پاکستان میں بھی سدھو موسے والا کا نام ٹاپ ٹرینڈ میں شامل ہے۔

سدھو موسے والا کی میت پر والدین کی متعدد جذباتی تصویریں اور ویڈیوز سوشل میڈیا پر وائرل ہو رہی ہیں جس مییں گلوکار کی والدہ کو  بیٹے کی موت پر اپنے شوہر کے آنسو  صاف کرتے دیکھا گیا۔

دوسری جانب سدھو موسے والا کی پوسٹ مارٹم رپورٹ منظر عام پر آ گئی ہے جس میں بتایا جارہا ہے کہ اتوار کی شام قتل کیے جانے والے سدھو موسے والا 2 درجن سے زائد گولیوں کا نشانہ بنے۔

واضح رہے کہ پوسٹ مارٹم کے دوران سدھو موسے والا کی لاش میں سے 25 گولیاں نکالی گئی ہیں۔