بالی ووڈ کی متعدد معروف شخصیات ایسی ہیں جو کہ منشیات کیس میں گرفتار ہوئیں۔

میڈیا رپورٹ کے مطابق بھارت میں لیجنڈری اداکار شکتی کپور کے بیٹے اداکار سدھانت کپور سے قبل بھی کئی نامور بھارتی اداکار و اداکارائیں ایسی ہیں جنہیں منشیات استعمال اور فروخت کرنے کے کیس میں گرفتاری کا سامنا کرنا پڑا ہے۔

ان نامور شخصیات میں کسی کو سزا ہوئی تو کوئی بھاری جرمانہ ادا کرکے رہا ہو گیا اور کسی کو مقدمے میں کلین چٹ مل گئی۔

شکتی کپور کے بیٹے سدھانت کپور کو بھارتی شہر بنگلورو میں ایک پارٹی میں مبینہ طور پر منشیات کا استعمال کرتے ہوئے گرفتار کیا گیا ہے۔

اداکارہ ریا چکرورتی نے اپنے بوائے فرینڈ کے لیے منشیات کا انتظام کیا تھا جس کے بعد انہیں گرفتار کیا گیا تھا۔

معروف کامیڈین بھارتی سنگھ کے گھر اور دفتر سے گانجا(منشیات کی ایک قسم) برآمد ہونے پر نارکوٹکس کنٹرول بیورو نے انہیں اور شوہر ہارش کو گرفتار کیا تھا بعد ازاں دونوں نے ضمانت پر رہائی حاصل کی۔

بھارتی اداکار فردین خان کو 2001 میں ممبئی پولیس نے منشیات کیس میں حراست میں لیا تھا۔

بالی ووڈ کنگ اداکار شاہ رخ خان کے بیٹے آریان خان کو بھی پارٹی میں منشیات استعمال کرنے کے کیس میں گرفتار کیا گیا تھا لیکن  بعد میں انہوں نے والد کے ساتھ مل کر مقدمہ لڑا اور کلین چٹ حاصل کی۔

مشہور اداکار سنجے دت 1982 میں منشیات استعمال کرنے کی وجہ سے 5 ماہ کی جیل کاٹ چکے ہیں۔