بالی ووڈ کی معروف گلوکارہ نیہا ککڑ نے کہا کہ وہ پاکستانی میوزک کی مداح ہیں۔

حال ہی میں متحدہ عرب امارات میں منعقدہ انٹرنیشنل انڈین فلم اکیڈمی ایوارڈز کے ریڈ کارپٹ کی گلوکارہ نیہا ککڑ کی ویڈیو سوشل میڈیا پر وائرل ہوگئی۔

ویڈیو میں نیہا ککڑ کو پاکستانی میوزک، گلوکاروں اور ٹیلنٹ کی تعریف کرتے ہوئے سُنا جاسکتا ہے۔

گلوکارہ نے کہا کہ مجھے عاطف اسلم سمیت دیگر پاکستانی گلوکاروں کے ساتھ گانے میں بہت مزہ آتا ہے۔

نیہا ککڑ نے کہا کہ پاکستانی گلوکاروں اور ٹیلنٹ کا کوئی ثانی نہیں، پاکستان میں زبردست ٹیلنٹ موجود ہے۔

گلوکارہ نے مزید کہا کہ میں اپنے پاکستانی مداحوں کی محبت کے لیے شکرگزار ہوں۔

ساتھ ہی انہوں نے یہ بھی کہا کہ مجھے معلوم ہے کہ سرحد پار یعنی پاکستان میں لوگ مجھے بےحد پیار کرتے ہیں۔