پاکستان کی معروف اداکارہ منال خان اور احسن محسن اکرام کی سوئمنگ کرتے ​​ویڈیو سوشل میڈیا پر وائرل ہو گئی ہے۔

سوشل میڈیا کے مختلف پیجز پر ایک ویڈیو وائرل ہو گئی ہے جس میں اداکارہ کو اپنے شوہر کے ہمراہ سوئمنگ پول میں دیکھا جاسکتا ہے۔

اس ویڈیو کے وائرل ہوتے ہی سوشل میڈیا صارفین کی جانب سے ملے جلے تبصروں کا سلسلہ جاری ہے۔

اس سے قبل احسن محسن اکرام نے بغیر شرٹ کے تصویر سوشل میڈیا پر شیئر کی تھی جس کے بعد ان کی اہلیہ منال خان کا ردعمل سامنے آیا تھا۔

آئینے کے سامنے کھڑے ہو کر بنائی گئی تصویر کے کیپشن میں احسن محسن نے لکھا تھا کہ  میرے لیے حوصلہ افزائی یہ ہے کہ واپس پہلے جیسی جسامت میں آؤں۔

اداکار کی جانب سے شیئر کی گئی تصویر کے کمینٹ سیکشن میں منال خان نے لکھا تھا کہ بہت اہم چربی۔

واضح رہے کہ 2021 میں اداکارہ منال خان اور محسن اکرام 10 ستمبر کو شادی کے بندھن میں بندھے۔