بالی ووڈ کی معروف و خوبصورت اداکارہ کاجول نے اپنی پہلی ویب سیریز بنانے کا اعلان کیا ہے۔

اسٹریمنگ پلیٹ فارم نے ایک کلپ اپ لوڈ کیا ہے جس میں کاجول نے اپنی 1995 کی مشہور زمانہ فلم دل والے دلہنیا لے جائیں گے کے ایک منظر کو دوبارہ فلمایا ہے۔

اس ویڈیو میں کاجول سرخ لباس پہنے کھڑی ہیں اور کوئی کہتا ہے اگر یہ وہی سپر اسٹار ہے جس کے لیے دل والے انتظار کر رہے ہیں ،تو یہ پلٹ کے دیکھے گی اور وہ بار بار کہتا ہے پلٹ۔

پلٹنے کے بعد کاجول کہتی ہیں کہ ہاں ہاں میں ہی ہوں، اور کون ہوگا؟ میں آرہی ہوں اپنا شو لے کر۔

اس ویڈیو کو شئیر کرتے ہوئے انہوں نے کیپشن میں لکھا کہ کچھ کچھ ہو رہا ہے، تم نہیں سمجھو گے، کیا آپ اندازہ لگا سکتے ہیں کہ ہم کیا کر رہے ہیں؟

واضح رہے کہ اداکارہ کاجول کی پچھلے سال پہلی نیٹ فلکس فلم ٹریبھنگا ریلیز ہوئی تھی۔