پاکستان کی مشہور ٹک ٹاک اسٹار نوشین سید عرف ڈولی اکثر اپنی تصاویر اور ویڈیوز کی وجہ سے ناقدین کے نشانے پر رہتی ہیں۔

حال ہی میں ٹک ٹاکر نے اپنے انسٹاگرام اکاؤنٹ پر ایک ویڈیو شیئر کی جس میں  دیکھا جاسکتا ہے کہ وہ کس طرح اپنی خوبصورتی کو مختلف انداز میں دکھا رہی ہیں۔

شیئر کی گئی ویڈیو میں دیکھا جاسکتا ہے  مشہور ٹک ٹاکر نے مغربی لباس زیب تن کیا ہوا ہے،اور وہ ویڈیو میں اپنی ٹانگ کا کچھ حصہ دکھاتے ہوئے نظر آتی ہیں جس کی وجہ سے سوشل میڈیا صارفین نے انہیں تنقید کا نشانہ بنایا۔

ویڈیو کی کیپشن میں ڈولی نے  گانے کا نام ’پکارا ہے‘ لکھا۔

اس سے قبل ڈولی پر جنگلی حیات اور ماحولیات کے تحفظ کے قوانین کے تحت کیپٹل ڈیولپمنٹ اتھارٹی (سی ڈی اے) کی شکایت پر فرد جرم عائد کیا گیا تھا۔

اسلام آباد ہائی کورٹ (آئی ایچ سی ) نے جنگل میں آگ لگانے کے مقدمے میں ڈولی کی عبوری ضمانت میں 8 جون تک توسیع کر دی تھی جب انہوں نے1 لاکھ  روپے کے ضمانتی مچلکے جمع کرائے تھے۔