پاکستانی شوبز سے وابستہ خوبصورت، متحرک، باصلاحیت اور بے باک اداکارہ اُشنا شاہ نے تصدیق کی ہے کہ وہ اب سنگل نہیں ہیں۔

اشنا جانتی ہیں کہ اپنے لیے کیسے بولنا ہے اور اپنی رائے کے لیے کیسے کھڑا ہونا ہے۔ انہوں نے ہر کردار کے ساتھ ہمیشہ اپنی صلاحیت کو ثابت کیا ہے۔

کافی عرصہ مداحوں کو سسپنس میں رکھنے کے بعد اب اداکارہ نےا نکشاف کیا ہے کہ وہ محبت میں گرفتار ہیں اور ان کے خوش قسمت ساتھی کوئی اور نہیں بلکہ پروفیشنل گالفر حمزہ امین ہیں۔

حمزہ امین پیشہ ورانہ طور پر گالف کھیلتے ہیں اور وہ ایشیا پیسیفک گالف فیڈریشن کے چیئرمین تیمور حسن امین کے بیٹے بھی ہیں۔

انڈسٹری کے دوستوں اور مداحوں نے اشنا شاہ کو ان کے نئے رشتے پر دل سے مبارکباد دی ہے۔ جبکہ کچھ دل جلے سوشل میڈیا صارفین نے ان کے لباس اور حرکات پر تنقید بھی کی ہے۔

خیال رہے کہ اشنا شاہ اور پرو گولفر حمزہ امین کی یہ تصاویر آسٹریا میں وورتھرسی اوپن گالف ٹورنامنٹ کے دوران لی گئی ہیں۔