پاکستان کی معروف اداکارہ ماہرہ خان کی تصاویر سوشل میڈیا پر وائرل ہو گئی ہیں۔

اداکارہ کی جانب سے فوٹو اینڈ ویڈیو شئیرنگ ایپ انسٹاگرام پر نئی تصاویر پوسٹ کی گئی ہیں جس کے بعد انہیں شدید تنقید کا نشانہ بنایا جارہا ہے۔

شئیر کی گئی تصاویر میں اداکارہ کے ساتھ اداکار فہد مصطفیٰ بھی نظر آرہے ہیں۔

وائرل تصاویر میں ماہرہ خان کو غیر مناسب لباس پہنے دیکھا جاسکتا ہے۔

اس سے قبل اداکارہ ماہرہ خان نے نجی ٹی وی چینل کے ایک شو میں ساتھی اداکار فہد مصطفیٰ کے ساتھ شرکت کی تھی۔

شو کے دوران اداکارہ ماہرہ خان اور فہد مصطفیٰ نے شو کے میزبان شہریار منور کے ساتھ بھی اپنے ڈانس کے جلوے دکھائے۔

اداکارہ ماہرہ خان اور شہریار منور کے ڈانس کو مداحوں کی جانب سے بہت پسند کیا گیا۔

گزشتہ دنوں اداکارہ ماہرہ خان اور اداکار فہد مصطفیٰ کی ڈانس ویڈیو سوشل میڈیا پر وائرل ہو گئی تھی جسے دیکھنے کے بعد صارفین برہمی کا اظہار کر رہے تھے۔

سوشل میڈیا کے مختلف پیجز پر ایک ویڈیو وائرل ہو گئی تھی جس میں دونوں اداکاروں کو ڈانس کرتے ہوئے دیکھا گیا تھا۔

ویڈیو وائرل ہوتے ہی ماہرہ خان اور فہد مصطفیٰ کو سوشل میڈیا صارفین کی جانب سے شدید تنقید کا نشانہ بنایا گیا تھا۔

کئی مداحوں نے ماہرہ کو تنقید کا نشانہ بناتے ہوئے کہا تھا کہ وہ اپنی فلموں کی تشہیر کے دوران سب کچھ بھول کر بچکانہ ہو جاتی ہیں۔

بہت سے مداحوں کا کہنا تھا کہ وہ اپنی اوور ڈانس پرفارمنس کے ساتھ فلم قائد اعظم زندہ باد کی تشہیر کر رہے ہیں۔

گزشتہ دنوں سوشل میڈیا پر ایک ویڈیو وائرل ہوگئی تھی جس میں اداکارہ ماہرہ خان کو ایک نجی ویب شو کے میزبان کے ہمراہ  فلم قائد اعظم زندہ باد کے گانے لوٹا رے پر ڈانس کرتے ہوئے دیکھا گیا تھا۔

واضح رہے کہ فلم قائدِ اعظم زندہ باد ایک بدنام پولیس اہلکار کی کہانی پر مبنی ہے جس کا کردار فہد مصطفیٰ نے ادا کیا ہے۔

نبیل قریشی کی ہدایت کاری میں بننے والی فلم عید الاضحیٰ پر بڑے پردے کی زینت بنے گی ۔