پاکستان شوبز انڈسٹری کی مشہور اداکارہ یمنیٰ زیدی کے نئے ڈرامے ’بخت آور‘ ٹیزر جاری کردیا گیا ہے۔

ڈرامے میں  غیر روایتی خاتون کا کردار ادا کرتے ہوئے، شائقین دیکھیں گے کہ  اداکارہ دوہری کردار میں جلوہ گر ہوں گی۔

ٹیزر کے پہلے حصے میں دیکھا جاسکتا ہے کہ اداکارہ ایک شرمیلی لڑکی کا کردار اداکر رہی ہیں جبکہ دوسرے حصے میں دیکھا جاسکتا ہے کہ یمنیٰ زیدی ’بوائے ہیئر کٹ‘ میں کردار اداکر رہی ہیں۔

شاہد شفاعت کی ہدایت کاری اور مومنہ درید کے پروڈیوس کردہ اس ڈرامے کو نادیہ اختر نے تحریر کیا ہے۔

ڈرامے کی کاسٹ میں یمنیٰ  زیدی، زاویار نعمان اعجاز، ثاقب سمیر، میزنا وقاص، نورین گلوانی، شمعون عباسی، سنیل شنکر، ہما نواب، عدنان شاہ اور دیگر شامل ہیں۔

یمنیٰ زیدی نے ’عشق لا‘، ’صنف آہن‘، ’پیار کے صدقے‘، ’پری زاد‘ اور کئی ڈراموں میں اپنی ادکاری کے جوہر دکھائے۔