بالی ووڈ فلم ‘ایک ولن ریٹرنز’ کے حوالے سے ایکتا کپور نے وضاحت کردی۔

غیر ملکی خبر رساں ادارے کے مطابق بالی ووڈ پروڈیوسر اور ڈائریکٹر ایکتا کپور نے کہا کہ فلم ‘ایک ولن ریٹرنز’ کسی فلم کی نقل نہیں ہے نا ہی پہلے کسی اور زبان میں ریلیز ہوئی ہے۔

ایکتا کپور نے کمال آر خان کے دعوے کو مسترد کر دیا ہے۔

یاد رہے کہ کمال خان کا کہنا تھا کہ ‘اک ولن ریٹرنز’ کسی کورین فلم کی نقل ہے۔

پچھلے مہینے جب ‘ایک ولن ریٹرنز’ کا ٹریلر جاری ہوا تو کمال خان نے سوشل میڈیا پر دعویٰ کیا تھا کہ 2014 میں ریلیز ہونے والی ‘ایک ولن’ اور اس کا نیا تیار ہونے والا سیکوئیل دونوں ہی کورین فلموں کی کاپی ہیں۔

فلم میں ارجن کپور، جان ابراہم، دیشا پٹانی اور تارا سوتاریا نے اداکاری کی ہے۔

واضح رہے کہ ایک ولن ریٹرز 29 جولائی کو سینما گھروں کی زینت بنے گی۔