جیکی چن کی پروڈکشن میں ایک چینی فلم پر کام شروع کردیا گیا۔

غیر ملکی خبر رساں ادارے کے مطابق فلم کی شوٹنگ شام کے تباہ شدہ علاقے الحجر الاسود میں ہو رہی ہے۔

فلم کے سیٹ سے جاری ہونے والی تصاویر میں چین کے فلمی عملے اور اداکاروں کو تباہ حال عمارتوں اور فوجی ٹینک کے ساتھ دیکھا جاسکتا ہے۔

A China-UAE co-production, produced by Jackie Chan, an action film about a Chinese military-assisted evacuation from Yemen, are apparently filming some of the scenes in the ruins of the outskirts of Damascus in Syria. pic.twitter.com/G3kNFBaxae

Advertisement

— Séamus Malekafzali (@Seamus_Malek) July 16, 2022

‘ہوم آپریشن’ نامی فلم کی شوٹنگ پر شام اور مشرق وسطیٰ سے تعلق رکھنے والی شخصیات نے ناگواری کا اظہار کیا ہے۔

یاد رہے کہ یہ فلم 2015 میں چین کی طرف سے اپنے سیکڑوں شہریوں کو یمن سے انخلا کروانے کے موضوع پر بنائی گئی ہے۔

تاہم یہ فلم چین اور اماراتی پروڈیوسرز کے درمیان پہلا مشترکہ منصوبہ پر مبنی ہے جس کا مقصد چین کی کمیونسٹ پارٹی کو اجاگر کرنا ہے۔

خیال رہے کہ الحجر الاسود کا علاقہ دمشق سے 4 کلومیٹر کے فاصلے پر ہے۔

واضح رہے کہ 2012 کے دوران شام کی خانہ جنگی میں یہ علاقہ حکومت مخالف باغی گروپ کا گڑھ تھا اور2018 میں حکومتی فورسز نے علاقے کا کنٹرول حاصل کرلیا تھا۔