سابق رکنِ قومی اسمبلی و میزبان عامر لیاقت کی تیسری اہلیہ دانیہ ملک کی والدہ اپنے داماد کی قبر پر پہنچ گئیں۔

دانیہ ملک کی والدہ سلمیٰ سجاد نے اپنے انسٹاگرام اکاؤنٹ پر ایک ویڈیو شیئر کی ہے۔

شئیر کی گئی ویڈیو میں دیکھا جاسکتا ہے کہ وہ کراچی میں موجود ہیں اور عبداللّٰہ شاہ غازی ؒ کے مزار کے احاطے میں واقع داماد عامر لیاقت کی قبر پر فاتحہ کے لیے گئی ہیں۔

انہوں نے اپنی ویڈیو کو شئیر کرتے ہوئے کیپشن میں لکھا کہ اللّٰہ، عامر بیٹے کو جنت میں اعلیٰ سے اعلیٰ مقام عطا فرمائے، آمین۔

واضح رہے کہ دانیہ ملک کی والدہ سلمیٰ سجاد نے بیٹی کے عدت میں بیٹھ جانے کے بعد ناصرف میڈیا کو انٹرویوز دیئے بلکہ اب انہوں نے بھی اپنا انسٹا گرام اکاؤنٹ بنا لیا ہے۔

دانیہ ملک نے اپنی انسٹا گرام اسٹوریز میں بحیثیت عامر لیاقت کی بیوہ بیان جاری کیا تھا کہ عامر لیاقت کا پوسٹ مارٹم ہونا چاہئیے۔

اس پوسٹ میں دانیہ ملک نے عامر لیاقت کی پہلی اہلیہ اور بیٹی کے خلاف کارروائی کا بھی اعلان کیا تھا۔