علی ظفر پاکستان کی مشہور شخصیات میں سے ہیں جنہوں نے اپنی جادوئی آواز اور شاندار اداکاری سے نہ صرف پاکستان میں بلکہ پاکستان سے باہر بھی اپنی ایک الگ پہچان بنائی۔

گلوکار ابھی امریکہ میں چھٹیاں گزار رہے ہیں اور اسی دوران انہوں نے ساحل کا دورہ کیا اور اپنے انسٹاگرام اکااؤنٹ پر بغیر شرٹ والی تصویر شیئر کی اور اس کے بعد ایک کنسرٹ کے لئے چلے گئے۔

تصویر سوشل میڈیا صارفین کی نظروں کے سامنے سے گزری تو ایک صارف نے کمینٹ کیا کہ ’شرٹ اتار کر تصویر شیئر کر کے  کونسے کلچر کو پروموٹ کر رہے ہیں آپ؟‘۔

معروف گلوکار نے جیسے ہی کمینٹ پڑھا تو صارف کو آڑے ہاتھوں لے لیا اور جواب دیا کہ ’آنکھیں نیچے کرلو کلچر ٹھیک ہو جائے گا‘۔

اس کے علاوہ علی ظفر نے انسٹاگرام اکاؤنٹ پر  اہلیہ کے ہمراہ چھٹیاں گزارنے کی تصاویر شیئر کی اور کنسرٹ کی بھی تصاویر شیئر کی۔

شیئر کی گئی تصاویر کے کیپشن میں علی ظفر نے لکھا کہ ’ کبھی کبھی مجھے لگتا ہے کہ میں دو مختلف زندگیاں جی رہا ہوں،مشرقی ساحل پر ایک دن مداحوں کے ساتھ اسٹیج پر ہونے سے لے کر اگلے دن مغرب میں فیملی کے ساتھ ساحل سمندر پر جانے تک‘۔

واضح رہے کہ علی ظفر نے کئی مشہور گانے گائے اور ساتھ ہی کئی فلموں میں اپنی اداکاری کے جوہر بھی دکھائے۔