لالی وُڈ ڈیوا مہوش حیات بے مثال اسٹارڈم اور بلاک بسٹر پروجیکٹس رکھنے والی ایک معروف خاتون سپر اسٹار ہیں۔

اپنی ذاتی زندگی کو رازداری کی تہوں میں رکھنے والی اداکارہ نے اپنی نجی زندگی کے بارے میں کھل کر بات کی، خاص طور پر ان ‘لازمی’ اوصاف کے بارے میں کو ان کے مطابق ایک مثالی آدمی میں ہونا چاہئیں۔

اپنی فلم “لندن نہیں جاؤں گی” کی پروموشنز کے لیے ٹاک شو میں اپنی مہمان کی حیثیت سے شرکت کرنے والی مہوش نے واضح کیا کہ مستقبل میں ان کے کیا پلانز ہیں۔

مہوش کا کہنا تھا کہ وہ ایک خودمختار خاتون ہیں اور یقینی طور پر انہوں نے اپنے کیریئر کو قائم کرنے کے لیے سخت محنت کی ہے۔ لہٰذا ان کا مثالی لائف پارٹنر وہ ہوگا جو ان کے کام کی اہمیت کو سمجھے اور انہیں سمجھوتہ کرنے کو نہ کہے۔

انہوں نے کہا کہ اسے مجھے مزید بڑھنے میں مدد کرنی چاہئے اور میری ترقی کو محدود نہیں کرنا چاہئے۔

ندیم بیگ کی ہدایت کاری میں بننے والی فلم “لندن نہیں جاؤں گا” میں ہمایوں سعید، مہوش حیات، گوہر رشید، کبریٰ خان، واسع چوہدری، صبا فیصل، آصف رضا میر، صبا حمید اور سلمان شاہد شامل ہیں۔