پاکستان کے مشہور مصنف اور ڈرامہ نگار خلیل الرحمان قمر اکثر اپنے بیانات کی وجہ سے سرخیوں میں رہتے ہیں۔

ایک حالیہ انٹرویو میں خلیل الرحمان قمر نے کہا کہ ان کا تازہ ترین پراجیکٹ، “لندن نہیں جاؤں گا”، حقوق نسواں کے خیال کو بدل دے گا۔

انہوں نے دعویٰ کیا کہ “نسائیت کی اصل روح کو غلط سمجھا جا رہا ہے۔”

خلیل الرحمان قمر کا یہ بھی کہنا تھا کہ ’وہ خواتین کے مسائل کو سمجھتے ہین اور انہیں یقین ہے کہ ان کی فلم میں خواتین کی خو دمختاری کے حوالے سے اہم پیغام دیا گیا ہے ۔

حقوق نِسواں کے بارے میں اپنے خیالات کے باوجود ’محبت تم سے نفرت ‘ کے لکھاری اس بات کا اعتراف کرچکے ہیں کہ ’اپنے تحفظ اور بچاؤ کے لیے رونے والی خواتین کے حقوق کی علمبردار یا خواتین یقیناً مشکلات کا سامنا کر رہی ہیں‘۔

خلیل الرحمان قمر نے ایک اور دل دہلا دینے والا اعتراف کیا کہ وہ اپنے نا م کے ساتھ مصنف لگانا پسند نہیں کرتے، اس بات کا جواز پیش کرتے ہوئے کہ اس کا سارا فن انہیں اللہ تعالیٰ نے عطا کیا ہے۔

ایک سوال کے جواب میں معروف ڈرامہ نگار نے فیصل قریشی کی اداکاری کی صلاحیتوں کو سراہتے ہوئے کہا کہ ان کا  فیصل قریشی کی کامیابی سے کوئی تعلق نہیں ہے۔

پسندیدہ گلوکار کے بارے میں جب ان سے پوچھا گیا تو انہوں نے کہا کہ مہدی حسن، نور جہاں، محمد رفیع، راحت فتح علی خان میرے پسندیدہ گلوکار ہیں۔

خلیل الرحمان قمر نے یہ بھی کہا کہ وہ اداکار فردوس جمال کے خلاف “غیر حساس” بیانات پر ماہرہ خان سے صلح نہیں کریں گے۔

جہاں بہت سے لوگ معروف مصنف کے کام کی تعریف کرتے ہیں، وہیں کچھ ایسے بھی ہیں جو بعض حساس مسائل پر ان کے خیالات کو پسند نہیں کرتے لیکن خلیل الرحمان قمر ان چند لوگوں میں سے ایک ہیں جو اپنی بات کہنے سے نہیں ڈرتے۔