بالی ووڈ کی معروف اداکارہ کاجول نے اپنی زندگی کا اہم فیصلہ کرلیا۔

میڈیا رپورٹ کے مطابق کاجول بھارتی فلم انڈسٹری کے بعد اب ویب سیریز کی دنیا میں قدم رکھنے جارہی ہیں۔

معروف ڈائریکٹر سوپرن ورما کی ہدایت کاری میں بننے والی ویب سیریز میں اداکارہ کا ڈیبیو ہوگا، کہا جارہا ہے کہ کاجول سیریز میں نئی دور کی مضبوط خاتون کا کردار نبھائیں گی۔

رپورٹ میں بتایا گیا ہے کہ اس پروجیکٹ میں کاجول کے شوہر اداکار اجے دیوگن بھی اپنی اداکاری کے جوہر دکھائیں گے جس میں سیاست اور جرائم کا بھی تڑکا ہوگا جبکہ اسے پروڈکشن کمپنی ’بنیجے ایشیا‘ پروڈیوس کرے گی۔

کاجول کے مداحوں کو انہیں پہلی بار ویب سیریز میں دیکھنے کا بے صبری سے انتظار ہے۔

واضح رہے کہ یہ سیریز اسٹریمنگ پلیٹ فارم ’’ڈزنی پلس ہاٹ اسٹار‘‘ پر ریلیز ہوگی۔