پیٹرول کی قیمتوں میں اضافے سے عام شہریوں کے ساتھ ساتھ اداکار بھی پریشان نظر آنے لگے ہیں۔

حکومت کی جانب سے گزشتہ روز پیٹرول کی قیمت میں چوتھی مرتبہ اضافہ کیا گیا ہے جس کے بعد پٹرول 248 روپے 74 پیسے فی لیٹر فروخت ہورہا ہے۔

اسی ضمن میں پاکستان کی سینئر اداکارہ شگفتہ اعجاز کی گائے سے گفتگو کی ایک دلچسپ ویڈیو سوشل میڈیا پر وائرل ہو رہی ہے۔

ویڈیو میں دیکھا جاسکتا ہے کہ سینئر اداکارہ ایک تبیلے میں موجود ہیں جہاں وہ اپنی سوچوں میں گم کھڑی کہہ رہی ہیں کہ کتنا اچھا ہوتا اگر گائے دودھ کی بجائے پٹرول دیتی تو مزہ آ جاتا، وارے نیارے ہو جاتے۔

لیکن اچانک ویڈیو میں گائے کی آواز آتی ہے کہ او چولیے (اے پاگل)، اگر ہم چارے کی بجائے ڈیزل پر چلتے تو تم کیا کرو گے؟ خاموشی سے دودھ نکالو۔

https://twitter.com/i/status/1543148355710320640

گائے کا تبصرہ سن کر شگفتہ اعجاز بھی حیران رہ گئیں اور خاموشی سے وہاں سے چلتی بنیں۔

وائرل ویڈیو کو سوشل میڈیا صارفین خوب پسند کر رہے ہیں اور اب تک اسے ہزاروں ویوز مل چکے ہیں۔