نیلم منیر پاکستان شوبز انڈسٹری کی مشہور و معروف اداکارہ ہیں جو اکثر اپنی تصاویر سوشل میڈیا پر شیئر کرتی رہتی ہیں۔

حال ہی میں اداکارہ نے اپنے انسٹاگرام اکاؤنٹ پر تصاویر شیئر کی ہیں  جن کو مداحوں کی جانب سے خوب پسند کیا جارہا ہے۔

شیئر کی گئی تصاویر میں دیکھا جا سکتا ہے کہ اداکارہ نے آف وائٹ رنگ کا لباس زیب تن کیا ہوا ہے جس پر  مختلف نقش و نگار بنے ہوئے ہیں  اور کپڑوں کی خوبصورتی کو چار چاند لگا رہے ہیں۔

اداکارہ نیلم منیر ڈرامہ سیریل’ دل موم کا دیا‘ میں الفت کا کردار نبھانے پر کافی مشہور ہیں جس کی وجہ سے انہیں 18ویں لکس اسٹائل ایوارڈز میں  ’بیسٹ ٹی وی ایکٹریس‘ کے لئے نامزد کیا گیا۔

اس کے علاوہ حسین اداکارہ ’کہیں دیپ جلے‘، ’چکر‘، ’قیامت‘، ’محبت داغ کی صورت‘، اور کئی مشہور ڈراموں میں اداکاری کے جلوے دکھا چکی ہیں۔