پاکستان شوبز انڈسٹری کی مشہور جوڑیوں میں سے ایک فلک شبیر اور اداکارہ سارہ خان کی بھی ہے جو اکثر اپنی تصاویر مداحوں کے ساتھ شیئر کرتے رہتے ہیں۔

حال ہی میں گلوکار فلک شبیر نے انسٹاگرام پر سوال جواب کا سیشن رکھا تاکہ وہ مداحوں کی خواہش پوری کر سکیں۔

ایک مداح نے ان سے پوچھا کہ  ’آپ بیگم کو مناتے کیسے ہیں؟ جس پر فلک شبیر نے جواب دیا کہ میری بیگم شہزادہ ہے ناراض ہی نہیں ہوتی‘۔

ایک مداح نے کہا کہ آپ کا ایک ڈرامہ سارہ خان کے ساتھ تو آنا ہی چاہئے جس پر گلوکار نے کہا کہ ڈرامہ آئے گا تو سارہ خان کے ساتھ ورنہ کسی کے ساتھ نہیں۔

ایک مداح نے گلوکار سے گزارش کی کہ سارہ خان اور آپ کی کوئی ان دیکھی تصویر ہے تو وہ شیئر کی جس کے بعد فلک شبیر نے خوبصورت تصویر شیئر کردی۔

شیئر کی گئی تصویر میں دیکھا جاسکتا ہے کہ دونوں اپنے قیمتی خوشگوار لمحات گزار رہے ہیں۔

ایک صارف نے پوچھا کہ آپ اپنے خواب کی منزل بتائیں جس پر فلک شبیر نے کہا کہ  سارہ خان کے ساتھ سوئٹزرلینڈ کی سیر۔

یاد رہے کہ سارہ خان اور فلک شبیر کی شادی 2020 میں ہوئی تھی۔