بالی ووڈ کے معروف اداکار گووندا اور پاکستانی اداکارہ ثانیہ شمشاد کی ویڈیو کال سوشل میڈیا پر وائرل ہو گئی ہے۔

ثانیہ شمشاد نے فوٹو اینڈ ویڈیو شیئرنگ ایپ انسٹا گرام پر ایک ویڈیو شیئر کی ہے جس میں گووندا کو اداکارہ کے شوہر کے ساتھ دیکھا جا سکتا ہے۔

ثانیہ شمشاد کے شوہر نے اداکار گووندا سے اپنی اہلیہ کی ویڈیو کال پر بات کروائی ،اداکار نے ثانیہ شمشاد کے بیٹے اذلان کو سالگرہ کی مبارک باد بھی دی۔

اداکارہ ثانیہ شمشاد نے اپنی پوسٹ کے کیپشن میں لکھا کہ ایسا ہر روز نہیں ہوتا کہ آپ بالی ووڈ کی کسی شخصیت کے ساتھ بات چیت کریں۔

انہوں نے گووندا کا شکریہ ادا کرتے ہوئے یہ بھی لکھا کہ اذلان کی سالگرہ کو خاص بنانے کے لیے آپ کا شکریہ، آپ کی عاجزی اور مہربان الفاظ نے یقینی طور پر دیرپا تاثر چھوڑا ہے۔

اس سے قبل ثانیہ شمشاد نے اپنے بیٹے ازلان کی پہلی سالگرہ کراچی کے رمادہ ہوٹل میں منائی تھی۔

&

اداکارہ نے اپنے تصدیق شدہ اکاؤنٹ انسٹاگرام پر چند تصاویر پوسٹ کی تھیں۔

شئیر کی گئی تصاویر میں اس موقع پر سب نے سفید لباس کا انتخاب کیا تھا۔

&

سالگرہ کی تقریب میں اہلخانہ سمیت شوبز شخصیات نے بھی شرکت کی تھی جس میں نمرہ خان کو بھی دیکھا گیا تھا ۔

اس سے قبل اداکارہ ثانیہ نے ایک انٹرویو میں بتایا تھا کہ ان کے شوہر نے ان کی اچھی تصاویر لینے کی خاطر باقاعدہ فوٹوگرافی کا کورس کیا ہے۔

 ثانیہ کا ایک کلپ سوشل میڈیا پر وائرل ہوا تھا جس میں انٹرویو کے دوران ان سے میزبان نے سوال کیا کہ ان کی اتنی اچھی اچھی تصویریں کون لیتا ہے؟

اس پر ثانیہ شمشاد نے بتایا کہ میرے شوہر کو میری تصویریں لینے کا بہت شوق ہے، وہی میری تصویریں لیتے ہیں اور انہوں نے میری تصویروں کے لیے آن لائن کورس بھی کیا۔

ثانیہ نے بتایا کہ ان کے شوہر  انہیں ڈریسنگ، میک اپ اور فوٹو شوٹ کے حوالے سے گائیڈ کرتے رہتے ہیں کہ ان پر کیا اچھا لگتا ہے اور کیا نہیں۔