پاکستانی میوزِک انڈسٹری کے معروف گلوکار اور سماجی کارکن شہزاد رائے نے ورلڈ پاپولیشن ڈے کے حوالے سے سوشل میڈیا پر دلچسپ پوسٹ شیئر کردی۔

گلوکار کی جانب سے فوٹو اینڈ ویڈیو شیئرنگ ایپ انسٹا گرام پر چند دلچسپ تصاویر شیئر کی گئی ہیں۔

وائرل تصاویر میں شہزاد رائے کو کچھ بچوں اور ایک خاتون کے ہمراہ بائیک پر بیٹھے ہوئے دیکھا جا سکتا ہے۔

تصاویر شیئر کرتے ہوئے انہوں نے لکھا کہ بائیک پر نہیں تو کم از کم اپنی بیوی پر تو رحم کریں۔

گلوکار نے لکھا کہ پاکستان آبادی میں بے حد اضافے کے نتائج بھگت رہا ہے۔

شہزاد رائے نے عوام سے اپیل کرتے ہوئے لکھا کہ اپنی فیملی کو محدود رکھیں اور بچوں کو ان کے مکمل حقوق دیں۔

واضح رہے کہ دنیا بھر میں ہر سال عالمی سطح پر 11 جولائی کو آبادی میں اضافے پر قابو پانے کے لیے لوگوں میں آگاہی پیدا کرنے کے لیے ورلڈ پاپولیشن ڈے منایا جاتا ہے۔