پاکستان کی مشہور اداکارہ ماہرہ خان اور اداکار فہد مصطفیٰ اپنی آنے والی فلم ’قائداعظم زندہ با‘د کی پروموشن کے موقع پر ’مسٹر فنی بونز‘ احمد علی بٹ کے ساتھ اپنی حالیہ وائرل ویڈیو کی وجہ سے دل جیت رہے ہیں۔

سوشل میڈیا پر ایک ویڈیو وائرل ہو رہی ہے جس میں دیکھا جاسکتا ہے کہ احمد علی بٹ مزاحیہ انداز میں کہتے ہیں کہ ’ ہمارے ساتھ بہت بڑے اداکار ’احمد علی بٹ‘ موجود ہیں جس کے بعد وہ  کیمرے کا رخ فہد مصطفٰی کی طرف کرتے ہوئے کہتے ہیں کہ ان کے فین، جس پر اداکار نے کہا کہ ’میرا نام ہمایوں سعید‘ہے۔

جس کے بعد احمد علی بٹ کیمرے کا رخ ماہرہ خان کی طرف کرتے ہوئے کہتے ہیں کہ اور ان کی فین(ہمایوں سعید) جس پر اداکارہ نے منفرد انداز میں کہا کہ ’ماہرہ خان‘۔

واضح رہے کہ نبیل قریشی کی ہدایت کاری میں بننے والی فلم’ قائداعظم زندہ باد‘ پہلے 2021 میں ریلیز ہونے والی تھی لیکن کورونا صورتحال کی وجہ سے نہ ہوسکی۔

آنے والی فلم ایک ایکشن کامیڈی ہے جو ایک بدنام پولیس اہلکار کی کہانی پر مبنی ہے، جس کا کردار فہد مصطفیٰ نے ادا کیا ہے۔

فلم عید الضحٰی کے موقع پر ریلیز کی جائے گی۔