پاکستان شوبز انڈسٹری کی مشہور جوڑیوں میں سے ایک جوڑی اداکارہ اقراء عزیز  اور یاسر حسین کی بھی ہے جو اس وقت دبئی میں چھٹیاں گزار رہے ہیں۔

دونوں فنکار سوشل میڈیا پر ااپنے مداحوں کے ساتھ چھٹیوں کی جھلکیاں شیئر کر رہے ہیں۔

حال ہی میں اداکارہ اقراء عزیز نے اپنے انسٹاگرام اکاؤنٹ پر ایک ویڈیو شیئر کی جس میں  انہیں اسکائی ڈائیونگ کرتے ہوئے دیکھا جاسکتا ہے۔

اداکارہ کا کہنا تھا کہ مجھے اسکائی ڈائیونگ کرتے ہوئے بہت مزہ آیا اور انہوں نے مشورہ دیا کہ ہر کسی کو اپنی زندگی میں ایک بار ضرور آزمانا چاہئے۔

شیئر کی گئی ویڈیو کے کیپشن میں ادکارہ نے لکھا کہ ’ میں نے جتنے بھی کام کیے ان میں سب سے زیادہ بہادری والا کام اسکائی ڈائیونگ ہے‘۔

واضح رہے کہ معروف ادکارہ نے ڈرامہ سیریل ’سنو چندا‘، ’قربان‘، ’جھوٹی‘، ’رانجھا رانجھا کردی‘ اور کئی ڈراموں میں اداکاری کے جوہر دکھائے۔